what3words аппыг ашиглан аливаа байршлыг хялбархан хайж олох, хуваалцах, нарийвчлалтай хадгалах боломжтой.
Тийм учраас бид what3words -г бүтээсэн.
Яг хаана байгаагаа тодорхойлоорой
Дэлхий дээрх аливаа байршлын what3words хаягийг хялбархан хайж олоорой
Бид дэлхийн гадаргыг 3м х 3м хэмжээтэй квадратуудад хувааж, тус бүрд нь үл давтагдах гурамсан үг оноосон.
what3words хаяг нь бусдад хэлж, хуваалцахад хялбар бөгөөд GPS координаттай адил өндөр нарийвчлалтай.
51.520847, -0.19552100 ←→ ///ивээс.хөгжим.онолчид
what3words аппыг ашиглан
what3words хаяг хайж олох
Дэлхийн хаана ч байгаа аливаа 3м х 3м квадратын үл давтагдах what3words хаягийг олоорой.
what3words хаягийг хадгалах
Чухал what3words хаягуудыг манай жагсаалт хийх үйлдлийг ашиглан хадгалж, ангилаарай.
Зургуудаа what3words хаягтай хуваалцах
Аливаа зурагт what3words-н хаяг зүүж, олон нийтийн сүлжээнд болон мессеж бичдэг аппууд дээр хуваалцаарай.
Аливаа байршлыг нарийвчлалтай хуваалцах
what3words хаягийг хэлэх
Хүрэх газартаа хялбархан навигаци хийж очих
what3words-т хүмүүс их дуртай
143
улсад тухайн өдрийн шилдэг аппаар шалгарсан
Энэ апп таны амийг аварч чадна
App Store-н үнэлгээ
4.7
Мэрион, ХБНГУ
Европоор фургоноор аялагч
“Бид фургонтой аялалд гарах бүрдээ what3words-г ашиглан өөрсдийн хоноглох гайхамшигтай сайхан газруудыг сонгож, явганаар алхах үзэсгэлэнтэй цэгүүдийг хадгалж тэмдэглэдэг. Энэхүү апп нь үнэхээр тал бүрийн өгөөжтэй!”
Хьюн, БНСУ
Гэрэл зурагчин
“Надад гүн сэтгэгдэл төрүүлсэн газруудыг би ихэвчлэн хуваалцдаг. Гэрэл зургаа хуваалцахдаа би яг хаана авсан гэдгээ санадаг байхыг хүсдэг. what3words энэ боломжийг надад олгодог.”
Жорж ба Тара
Аялагч гэр бүл
“Бид хүүхдүүдтэйгээ дэлхийгээр аялахдаа what3words-г ашиглан өөрсдийн очдог хамгийн дуртай газруудынхаа байршлыг нарийвчлалтай хадгалдаг. Бидний очих дуртай газрууд нь тодорхой хаягтай барилга байгууламж биш болохоор энэ нь хамгийн тохиромжтой байдаг!”
what3words-г бизнест ашиглах
Дэлхийн тэргүүлэх ложистик, түргэн тусламж, автомотив, такси үйлчилгээ, аялал жуулчлалын бизнесүүд болон бусад байгууллагууд what3words-г ажлын бүтээмжээ дээшлүүлэх, хэрэглэгчийн сэтгэл ханамжийг сайжруулах, саадгүй аялах боломжийг олгох болон хүний амь насыг аврахад ашиглаж байна.
Олон мянган бизнесийн байгууллагууд what3words-г өдөр тутам ашигладаг. Хүмүүс танай байгууллагыг хялбархан олох, ажилчид бүтээгдэхүүн болон ажиллах газартаа шуурхай хүрэх хийгээд хүргэлт хийх байршлаа нарийвчлалтай тогтоох зэрэгт нь хэрхэн шуурхай туслаж буйг эндээс үзээрэй.
Түгээмэл асуултууд
Надад Google Maps байхад яагаад what3words-г би ашиглах хэрэгтэй вэ?
what3words бол Google Maps-тай ижил навигаци хийдэг аппликейшн биш юм. Энэ нь харин аливаа байршлыг өндөр нарийвчлалтайгаар маш хялбар мэдээлэх зориулалттай дэлхийн хаягжилтын нэгдсэн систем юм. Та what3words-г Google Maps-н хамт ашиглан хүрэх газар руугаа өндөр нарийвчлалтай навигаци хийх, аливаа байршлыг хэзээ хэзээнээс илүү түргэн, хялбар хадгалах, мэдэгдэх боломжтой.
Google Maps нь Central Park эсвэл Hyde Park зэрэг цэцэрлэгт хүрээлэнгийн хаа нэгтээ уулзахаар товлон байршлыг мэдэгдэхээр ашиглахад тохиромжгүй бөгөөд аливаа байшин барилгын яг үүд рүү навигаци хийж хүрэхийг хүссэн тохиолдолд тус болох нь бага. Энэ нь аливаа гудамжны хаягийг Google Maps-т оруулахад зүү нь ихэвчлэн яг орох үүдийг биш харин аливаа байшин барилга эсвэл шуудангийн кодын дунд нь заадагтай холбоотой.
Түүнээс гадна, Google Maps дээрх хатгах зүүгээр та нэг очсон газартаа хэдэн долоо хоногийн дараа очихоор эсвэл тэр газрыг мэдэгдэхээр эсвэл тэр мэдээллийг хэн нэгэнд утсаар хэлэх эсвэл хаяг олох талбарт оруулахаар ашиглах боломжгүй байдаг.
what3words-г ашиглан аливаа байршлыг хурдан бөгөөд энгийн аргаар өндөр нарийвчлалтай тодорхойлон мэдэгдэх, хадгалах боломжтой. Энэхүү хаягжилтын систем нь GPS координатуудыг 3 үгтэй хаяг руу хөрвүүлдэг. Бид өөрийн вебсайт болон аппад Google Maps-г ашигласнаар гудамжны хаягийг what3words дээр хайх явцад Google уг хаягийг газрын зураг дээр хаана байгааг нь харуулдаг.
Та хэдийгээр аливаа 3 үгтэй хаягийг Google Maps дээр шууд оруулах боломжгүй ч, what3words апп эсвэл манай вебсайтыг ашиглан аливаа 3 үгтэй хаягийг тодорхойлсоныхоо дараа Google Maps-р навигаци хийж хүрэх газраа очих боломжтой.
Би 3 үгт хаяг хадгалах боломжтой юу?
Болно. 3 үгтэй хаягийг хэрхэн хадгалах тухай та эндээс үзээрэй.
Яагаад GPS товч дээр товшиход өөр өөр үгнүүд гарч ирдэг вэ?
Хамгийн сүүлийн үеийн ухаалаг гар утаснууд ч маш энгийн GPS чиптэй байдаг. Өөрөөр хэлбэл, таны одоогийн байршлыг GPS координатууд нарийвчлал муутай зааж, зогсолтгүй тохируулга хийсээр байдаг гэсэн үг юм. Харин таны төхөөрөмж таныг байрлалаа солихыг мэдэрвэл, та байрлалаа солиогүй байсан ч 3 үгт хаяг дахин шинэчлэгддэг.
3 үгтэй хаягийг мэдэгдэхэд хүлээн авагч уг аппыг суулгасан байх ёстой юу?
Та аливаа 3 үгт хаяг уг аппыг татаж аваагүй хүнд ч илгээж болно. Тэд өөрсдийн компьютер, таблет эсвэл ухаалаг гар утасныхаа хөтчийг ашиглан what3words-т хандах боломжтой.